AF287b: 66v

pes qaçan qamer ḥamel burcında olsa ol gün gėce‑yle şereṭeyn menzilinde olur ḥarfi elifdür // ẕikr‑i münāsib yā Allāhdur kelām‑i qadīmden āyet‑i münāsib āyetü l‑kürsīdür ve sūre‑i iḥlāṣdur [!] // bunları ol günde yüz on bir kerre oqıyalar ṣadā‑yi kerīmden irtiqā‑i şān ve fütāde-i [?] aḥkām ve umūr‑i // müfīd-i delīr [?] ü ḥavāṣṣ [!] ḥarfden miskle elif yazıla ve meẕkūr āyetleri vefq ėtmelü olsa bu günde // eyleyeler ikinci güni buṭayn menzilinde olur ḥarfi bādur ẕikre münāsib yā barru yā badīʿu s‑samawāti // wa‑l‑arżi bu āyete münāsib besmeleʾi ol gün çoq ẕikr ėdeler iş işine [?] intiẓām‑i umūr //dileyeler eger bā ḥarf yazılsa ve besmeleʾi vefq ėtmelü olsalar ol günde yazalar ve bu günler // de sefere gitmek dileseler yüze görmek ve bir maqṣūd ʿarż ėtmege ve yeñi ṭon biçüb geymek ve ata // binmek ve şikār ṣayd ėtmek bunlaruñ ems̱āli işler ġāyet eyüdür ammā bünyād bıraqmaq ve yapu // yapmaq ve buña beñze[r] qażīyelerden iḥtirār [!] ėdeler qaçan qamer s̱evr burcında olsa ol gün gėce‑yle // s̱üreyyā menzilinde olur ḥarfi cīmdür ẕikre münāsib yā cemīl‑dür çoq oqıyalar her defʿası // elli üçer ola taḥqīq ve temlīk kesb ėdüne müteʿaddid çoq niʿmetler ḥāṣīl [!] ola ve bu günüñ āḥirinde [!] // yā cemāldür çün tekrār ėdeler qahr-i nehī-i aʿdā dileyeler defʿ ḥāṣıl ola ve bunları daḫı vefq // ėtmelü olsalar bu günde vefq ėdeler ikinci güni deberān menzilinde olur ḥarfi dāldur // ẕikre münāsib yā dāyim yā deyyāndur otuz kerre tekrār ėdüp müvāẓebet ėdüb devām‑i // niʿmet dileyeler ḥāṣıl ola ve qamer bu menzilde olıcaq ʿaqd‑i nikāh [!] ėtmek ve yėre ṭoḥum ṣacmaq ve bāġ // bostān dikmek ve ḥatunlarla ṣoḥbet ėtmek ve ʿıṭr dürtinmek bunlaruñ ems̱āli işlerden // ḥaẕer ėdeler qaçan qamer cevzā burcında olsa ol gün gėce‑yle haqʿa menzilinde olur // ḥarfi hedür ẕikre münāsib yā hū yā hādī‑dür çoq oqıyalar keff-i ḥāl // ḥāṣīl [!] ola bu ẕikr daḥı [!] yā muhlikdür çoq müdāvemet ėtse düşmān helāk ola